Ha Ye Wada Hai Mera Tumse, Mohabbat Karta Rahunga

Ha Ye Wada Hai Mera Tumse, Mohabbat Karta Rahunga,

Ye Awaj Mere Dil Ki Hai, Mai ISe Sunata Rahunga,

Bas Ek Yahi Baat Mai, Din Raat Gungunata Rahunga....

Ki Tu Meri Hai,.. Bas Meri Hai or Tu Meri Hi Rahna,

Tum Nibhana Ye Wada, Mai Bhi Ise Nibhata Rahunga....

Milna Na Milna Ye Faisla To Mana Kismat Ke Hath Hai,

Par Har Ibadat Mai Tujhse Milne Ki Duayen Mai Karta Rahunga....

Ye Na Sochna Kitni Zaalim He Taqdir Ki Milne Nahi Deti,

Mai Banke Ehsaas Har Roj Tujhse Milta Rahunga....

Gar Kabhi Aankhon Se, Do Boond Jo Tumhare Nikal Bhi Gayi,

To Banke Ashq Mai Tumhari Aankhon Se Bikharta Rahunga....

Raat Me Jab Tum So Jaogi Gehri Nind Ke Saaye Main,

Mai Banke Khwaab Tumhari Rooh Mai Utarta Rahunga....

Jab Tanhai Tumhe Sataye To Ye Waada Raha Meri "Jaan",

Mai Banke Hasi Tumhare Labon Mai Utarta Rahunga....

Ye To Rab Jaane Kab Tak Chale Meri Zindagi Ka Kaarwan,

Par Ye Wada Raha Meri "Jaan"....

Mai To Marke Bhi Bas Tumpe Hi Marta Rahunga,

Han Ye Wada Hai, Mai Tumse  Mohabbat Karta Rahunga....